Home / Top News / ನಿಷೇಧಿತ ಅವಧಿಯಲ್ಲಿ ನಗರ ಪ್ರವೇಶಿಸಿದ 103 ಭಾರಿ ವಾಹನಗಳಿಗೆ ದಂಡ

ನಿಷೇಧಿತ ಅವಧಿಯಲ್ಲಿ ನಗರ ಪ್ರವೇಶಿಸಿದ 103 ಭಾರಿ ವಾಹನಗಳಿಗೆ ದಂಡ

Spread the love

ಹುಬ್ಬಳ್ಳಿ-ಧಾರವಾಡ ಅವಳಿ ನಗರದಲ್ಲಿ ಸಂಚಾರ ನಿಯಮ ಉಲ್ಲಂಘಿಸುವ ಭಾರಿ ವಾಹನಗಳಿಗೆ ಸಂಚಾರ ಪೊಲೀಸರು ಬಿಸಿ ಮುಟ್ಟಿಸಿದ್ದಾರೆ. ನಿಷೇಧಿತ ಅವಧಿಯಲ್ಲಿ ನಗರ ಪ್ರವೇಶಿಸಿದ ವಾಹನಗಳ ವಿರುದ್ಧ ವಿಶೇಷ ಕಾರ್ಯಾಚರಣೆ ನಡೆಸಿರುವ ಪೊಲೀಸರು, ಬರೋಬ್ಬರಿ 103 ಪ್ರಕರಣಗಳನ್ನು ದಾಖಲಿಸಿ ದಂಡ ವಸೂಲಿ ಮಾಡಿದ್ದಾರೆ.”

“ಹೌದು, ಹುಬ್ಬಳ್ಳಿ-ಧಾರವಾಡ ನಗರ ಪೊಲೀಸ್ ಆಯುಕ್ತಾಲಯದ ವ್ಯಾಪ್ತಿಯಲ್ಲಿ ಭಾರಿ ವಾಹನಗಳ ಸಂಚಾರಕ್ಕೆ ನಿಗದಿತ ಸಮಯವನ್ನು ನಿಗದಿಪಡಿಸಲಾಗಿದೆ. ಆದರೆ, ಈ ನಿಯಮವನ್ನು ಗಾಳಿಗೆ ತೂರಿ ನಿಷೇಧಿತ ಅವಧಿಯಲ್ಲಿ ನಗರದೊಳಗೆ ಪ್ರವೇಶಿಸಿ ಸಂಚರಿಸುತ್ತಿದ್ದ ಭಾರಿ ವಾಹನಗಳ ಮೇಲೆ ಸಂಚಾರ ಪೊಲೀಸರು ಹದ್ದಿನ ಕಣ್ಣಿಟ್ಟಿದ್ದರು.

ದಿನಾಂಕ 19-11-2026 ಮತ್ತು 20-11-2026 ರಂದು ಅವಳಿ ನಗರದ ಎಲ್ಲಾ ಸಂಚಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಏಕಕಾಲಕ್ಕೆ ವಿಶೇಷ ಕಾರ್ಯಾಚರಣೆಯನ್ನು ಕೈಗೊಳ್ಳಲಾಗಿತ್ತು. ಈ ಕಾರ್ಯಾಚರಣೆಯಲ್ಲಿ ಮೋಟಾರು ವಾಹನ ಕಾಯ್ದೆಯ ಅಡಿಯಲ್ಲಿ ನಿಯಮ ಉಲ್ಲಂಘಿಸಿದ ಒಟ್ಟು 103 ಭಾರಿ ವಾಹನಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದ್ದು, ಒಟ್ಟು ₹51,500 ದಂಡವನ್ನು ವಿಧಿಸಲಾಗಿದೆ.

​ಈ ವಿಶೇಷ ಕಾರ್ಯಾಚರಣೆಯು ಮುಂದೆಯೂ ನಿರಂತರವಾಗಿ ಮುಂದುವರೆಯಲಿದೆ ಎಂದು ಸಂಚಾರ ವಿಭಾಗದ ಪೊಲೀಸರು ಎಚ್ಚರಿಕೆ ನೀಡಿದ್ದಾರೆ. ಆದ್ದರಿಂದ ಸಾರ್ವಜನಿಕರು ಹಾಗೂ ಭಾರಿ ವಾಹನಗಳ ಚಾಲಕರು ಮತ್ತು ಮಾಲೀಕರು ಕಡ್ಡಾಯವಾಗಿ ಸಂಚಾರ ನಿಯಮಗಳನ್ನು ಹಾಗೂ ನಿಗದಿತ ಸಂಚಾರ ಅವಧಿಯನ್ನು ಪಾಲಿಸುವಂತೆ ಹುಬ್ಬಳ್ಳಿ-ಧಾರವಾಡ ನಗರ ಪೊಲೀಸರು ಪ್ರಕಟಣೆಯ ಮೂಲಕ ಸೂಚಿಸಿದ್ದಾರೆ.”

About Editor 2

Check Also

ಕುಡಿಯುವ ನೀರು ಪೋಲಾಗುತ್ತಿದ್ದರು ಕಣ್ಣ ಮುಚ್ಚಿ ಕುಳಿತ L&T ಅಧಿಕಾರಿಗಳು

Spread the loveಕಳೆದ 20 ದಿನಗಳಿಂಗ ನೀರು ಪುಲಾಗುತ್ತಿದ್ದರು ಸರಿಪಡಿಸದ ಎಲ್ ಆಂಡ್ ಟಿ ಅಧಿಕಾರಿಗಳು. ಹುಬ್ಬಳ್ಳಿ ಗೋಪಾನಕೊಪ್ಪ ಸ್ವಾಗತ್ …

Leave a Reply

Your email address will not be published. Required fields are marked *

[the_ad id="389"]