ಹುಬ್ಬಳ್ಳಿಯ ಕೈ ಪಕ್ಷದ ಮುಖಂಡನಿಗೆ ಫೇಸ್ಬುಕ್ ಫೇಕರ್ಸ್ ಕಾಟ: ನಕಲಿ‌ ಖಾತೆ ತೆರೆದು ಮೆಸೆಂಜರ್ ಮೂಲಕ ಹಣಕ್ಕೆ ಬೇಡಿಕೆ

ಇತ್ತೀಚೆಗೆ ಆನ್‌ಲೈನ್ ವಂಚನೆ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚಳವಾಗುತ್ತಿವೆ. ಅದರಲ್ಲೂ ರಾಜಕೀಯ ನಾಯಕರು, ಪ್ರಭಾವಿ ವ್ಯಕ್ತಿಗಳ ಹೆಸರಿನಲ್ಲಿ ನಕಲಿ ಫೆಸ್ ಬುಕ್ ಖಾತೆ ಸೃಷ್ಟಿಸಿ ಹಣಕ್ಕೆ ಬೇಡಿಕೆ ಇಡುತ್ತಿದ್ದು, ಇದರ ಬಿಸಿ ಈಗ ಹುಬ್ಬಳ್ಳಿ ಕೈ ಪಕ್ಷದ ನಾಯಕನಿಗೂ ತಟ್ಟಿದೆ.

ಧಾರವಾಡ ಜಿಲ್ಲಾ ಕಾಂಗ್ರೆಸ್ ಗ್ರಾಮೀಣ ಘಟಕದ ಅಧ್ಯಕ್ಷ ಅನಿಲ್ ಕುಮಾರ್ ಪಾಟೀಲ್ ಅವರ ಹೆಸರಿನಲ್ಲಿ ನಕಲಿ‌ ಫೆಸ್ ಬುಕ್ ಖಾತೆಯನ್ನು ತೆರೆದಿರುವ ಫೇಸ್ಬುಕ್ ಫೇಕರ್ಸಗಳು, ಮೆಸೆಂಜರ್ ಮೂಲಕ ಅನಿಲ ಕುಮಾರವರ ಹೆಸರಿನಲ್ಲಿ ಹಣಕ್ಕೆ ಬೇಡಿಕೆ ಇಡುತ್ತಿದ್ದಾರೆ‌. ಇನ್ನೂ ಜನರಿಗೆ ಮೇಸ್ಸೆಂಜರ್ ನಲ್ಲಿ ಫೋನ್ ಪೆ ಮುಖಾಂತರ ಹಣ ಕೇಳುತ್ತಿರುವದು ಅನಿಲ್ ಕುಮಾರ್ ಅವರ ಗಮನಕ್ಕೆ ಬಂದಿದ್ದು, ತಕ್ಷಣವೇ ಅವರು ಹು-ಧಾ ಸೈಬರ ಕ್ರೈಮ್ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿ ದೂರುನ್ನು ಸಲ್ಲಿಸಿದ್ದಾರೆ.

ನನ್ನ ಹೆಸರಿನಲ್ಲಿ ನಕಲಿ‌ ಫೇಸ್‌ಬುಕ್‌ ಖಾತೆ ತೆರೆದು ಖದೀಮರು ಬೇರೆ ಬೇರೆಯ ವಿಷಯದ ಮೂಲಕಕ್ಕೆ ಹಣಕ್ಕೆ ಬೇಡಿಕೆ ಇಡುತ್ತಿದ್ದು, ಸಾರ್ವಜನಿಕರು ಕೂಡ ಎಚ್ಚರಿಕೆಯಿಂದ ಇರಬೇಕು ಎಂದು ಕಿವಿ ಮಾತು ಹೇಳಿದ್ದಾರೆ.